Biru teh Enung.....warna
kameumeut
Gambaran kasatiaan tulisan
batin acining kanyaaah
Biru teh Enung pulasna
rasa....
Pameungkeut duriat nu hamo
laas moal arek pegat pegat
Enung.....hareupeun jalan
teuteupeun
Sanajan tarahal nanjak
jeung poek urang kudu wani jeung nyorangna
Enung...sagara hamo
ngoletrak saat,lamun caina umpal-umpalan kudu wani ngojayanana
Demi Kasatiaan Enung....
urang duaan kedah pasrah dina kanyaah
Demi Kadeudeuh
Enung....urang duaan kudu sanggup raket pageuh dina beungkeutanana
Demi kaheman Enung.....
ulah seunggah memeh ngalengkah
Demi udagan Enung.....
adeg adeg pamadegan,entong incah balilahan
Warna kameumeut Enung,warna
kageugeut sing raket meungkeut duriat
Warna kameumeut Enung,warna
kageugeut sing geugeut sing layeut pageuh
Amin......!
Tidak ada komentar:
Posting Komentar