Réma rema ramo panangan nu
mecut nyampay dina kawat kacapi
Rasa rumenghap ngalenyap,ngageter
mirig hariring
Jentreng kacapi dina hariring
ngentringan asih nu nyanding
Dilak nu geulis sorot socana
ngarangkulan maut imut
Imut nu geulis,teuteup nu
geulis mudunkeun lagu dina sapada
Sawirahma cindek lagu
dipungkas galindeng gandrung nu wuyung
Urang anteng nyamuni
nyumputkeun asih pabuni buni
Aya nu sono aya nu bogoh aya
nu meulit murilit bareng jeung geter
Dina hate aya nu simpe aya nu
rehe jeung aya nu hayang mepende
Nu sumolondo...anu sono
ngadodoho ilang dangiang haleuang
Jentreng kacapi ngiles
ngereles henteu nyoara
Sora kawih sora kacapi geus
teu kapireng
Nu katimu,nu kapanggih nu
ngawih nyuuh dina rangkulan anu ngacapi
Rema rema ramo panangan nu
nyampay pindah puntangan
Nu kapireng lagu halimpu teu
dipirig deui ku kacapi
Teuing di mendi..........
Tidak ada komentar:
Posting Komentar