TITIS TULIS DINA CITANGIS

Keur : Nani Sy.

Asih teh cikahuripan panutan…. nu nyacas ngagenyas herang

Asih teh getering batin panutan…. acining puseurna kaheman

Asih teh rumpaka kanyaah panutan…. galeuhna kadeudeuh dina tulisan kakasih tawisna kaasih

Ari takdir takdir Gusti,kapan teu tiasa ditawis …

Ari gurat gurat hirup, sadayana  kersaning mantena

Urang duaan keur anteng diayun ayun kaheman

Geuning aya lalakon  keur ngadodoho  rek mungkas dina lekasan

Kantun lagu jeung rumapaka nu natrat dina duriat

Kantun asih jeung hariring sumanding na katingtriman

Kantun titis tulis dina citangis nu lumengis pinuh kapeurih

Kantun  cipanon nu juuh dina lalakon rek mungkas dina adegan.

Kantun ceurik balilihan, nu mulang  teu bisa dipegat ku cipanon

Pangjajap mangrewu du’a natrat kebat ka sarwarga

Sakolepat anjeun lumpat,teu kaudag ku udagan

Kahayang reujeung kahayang ukur mubul di alak paul,

 henteu kasusul

leungeun namprak untap  jajap muga lana,muga bagja anjeun tingtrim dina kabadian asihna Gusti

Keur anjeun  panutan Nani Sopiantini Yohansyah………………….

Sakabeh lalakon jeung lalakon rek ditulis jadi catetan kasono.

Keur anjeun panutan Nani Sopiantini Yohansyah

Sakabeh kabungah jeung ka peurih rek ditulis ku mangsi ati,dina tutulisan  

“ TITIS TULIS DINA CITANGIS…………………………………………………………….”

Catetan panceg   40 dintena . Tsm 5 Oktober 2011