KAKELAR KA PANGANDARAN
Saampar gelar kakelar,ngampar di basisir laut Pangandaran
Aya imut nyuruwuk mudun dina cai laut
Aya kakangen manteng ngangkleung dina Panineungan
Duuh...ku waas...!
Seah lambak dina ombak,niir pasini di sisi basisir ati
Harita duaan ngajega murak gelenyuna dina rangkulan imut
Waas.....Sagara ombak ombakan,angin burit lelendean
Layung ngempur ngagulubur mayungan rindatna paneuteup
Kumalangkang rambut panjang adu manis jeung dilak socana
Ku geuliiss...Ku Manis...Aah...Rancunit.
Di Pangandaran.......!
Mangpirang pirang katineung ngulayaban ngahelaran nembongan....
Di Pangandaran.....
Duriat ngundeur kadeudeuh,maneuh dina hariringna basisir Asih
Waas....Kawaas mulas kawaas saulas saulas
Ngampih dina kikisik basisirna pangantian kaweningan Asih
Tasik,26 Maret 2014.