Sajak : Nanang Sos
Ngalantung katungtung Taun,maca lampah dina Tapak
Satumpuk catetan hirup patumpuk tumpuk dina sataun
Bruh bréh kalangkang kalangkangna ringkang,raca dina titincakan
Aya warna dina wanda dipulas ku pumulas lampah sorangan
Horéng hirup lir dina sinéntron loba ngalong dina bohong
Seuri dicampur ku ceurik cipruk dina cipanon lalakon
Bongan rasa bongan raga nganjang lain dina mangsa
Loba kecap loba ucap misobat ku salah ucap..........
Ngalong ka lawang sakéténg maca waruga dina sawangan
Catetan dina sataun horéng loba pupusaneun
Ngaringkang mapayan léngkah,nyorang mangsa nu rék datang
Sing pinter ngukur ka kujur saméméh diri dikubur........
Tidak ada komentar:
Posting Komentar