HASEUP ROKO

Ngelun mulek dina tungtung teuteup
Haseup racun napuk dina tungtung imutna
Palias bodasna ieu rasa rék dipulas ku bodasna haseup Roko
Kasono moho bingbrit indit diusir ti biwir asbak

Sugan téh moal rék salilana bumetah dina ngebulna Roko
Wujud gaul dirina diukur ku tungtung kuntung
Seuri nu nyari bet ngiles dicampur ku mulekna haseup Roko
Bako roko geus nyoco ngusir kasono nu ponyo moho

Satemena haté leutik manéhna teu hayang misobat roko
Tapi rasa nikotin geus buméla ningtrimkeun eusi batina
Rasa bako tumapel na biwir ipis,geuneuk hideung mulas haté nu keur peteng