NYIAR TINGTRIM DINA PEUTING

Sajak : Nanang Sos


Nganteur léngkah ngaprak dina paripolah
Mapay poé nyebakeun raga kana héabna mata poé
Panas hareudang bayeungyang maturan di Tanah angar
Nu dipikir ngan saukur eusi beuteung nu kasieunan béakeun ku teuteureuyeun

Satemena hirup urang teu jauh reujeung kaliru
Unggal waktu ngaberung kalangsu ditapuk ku napsu
Nyiar bagja,sok poho kanu bogana bagja
Ngudag Dunya....sakapeung sok poho kanu bogana Dunya

Lilir usik dina ngulisik nyiar tingtrim dina sapertiluna peuting
Sumujud dina Tahajud, Alloh janji baris nyumponan sagala Du,a umatna

Beueus baseuh dina cai abdas, ruku sujud dina pangsujudan
Satemena katingtriman pikir téh ayana dina Dzikir
Kasobaran bakal Natrat kapanggih dina solawat
Ihlas pasrah bakal namprak sumerah dina Allmaullhusnna

Ngitung waktu nunggu waktu.........
Rengsé Tahajud nganti tepung waktuna subuh
Assolatukahairum minanam.............
Solat leuwih alus batan saré.........